Главная 
ТВ-каналы 
Спорт 
Ещё 
Мухаммадисо Абдулхаиров
28 фильмовВсе фильмы
2012 Payshanbadan payshanbagacha Maktabni bitirganiga 30 yil boʼlgan 4 ta ogʼayni Ilhom, Hasan, Qosim va Mahmudov domla koʼrishib, yana yigʼilishga kelishishadi. Ulardan biri Mahmudov domla tasodifan kutubxonadan bir kitob topib oladi. Uni ogʼaynilari bilan keyingi “oʼtirish”ga koʼtarib olib keladi. Kitobda bir xavfli oʼyin haqida soʼz boradi. Ogʼaynilar oʼzlari istamasalar ham, kitobni ochganlari uchun, oʼyin boshlanib ketadi. Oʼyin har hafta bir marta, faqat payshanba kuni oʼynalishi mumkin edi. Birinchi boʼlib oʼyin oʼynagan Mahmudov domlaning oʼzi, qiz bolaga aylanib qoladi. Ogʼaynilar qoʼrqib ketishadi. Qolganlarning taqdiri qanday kechadi? Ogʼaynilarni bu xavfli oʼyinda yana nimalar kutyapti? 
2015 Payshanbadan payshanbagacha 2 Hasan akaning qudasi Sharif aka hazilkash inson boʼlib, doim uning ustidan kulib yuradi. Hasan akaning ogʼaynilari uni yoqtirishmaydi. Аyniqsa, Ilhom aka uni yomon koʼradi. Shuning uchun ham, ataylab, bundan oldin oʼzlari xavfli oʼyin oʼynashlariga sababchi boʼlgan xavfli kitobni topib kelib, Sharif akaga sovgʼa qiladi. Hasan aka kitobni ochishga yoʼl qoʼymaslikka urinadi. Аmmo, Sharif aka qiziquvchanlik qilib, kitobni ochib koʼradi. Shunda kitob “administoratori” paydo boʼlib, ularni oʼyinga tortadi. Xavfli oʼyin boshlanib ketadi. Oʼsha zahoti kitobni topib kelgan Ilhom akaning ovozi chiyillab qoladi. Oʼyinni kunda faqat bir marta oʼynash mumkin edi. Ogʼaynilarni va Sharif akani oldindan bundan ham qaltis holatlar kutardi... 
2021 Millioner Jonibek Jonibek qishloqda oʼsgan xayolparast, oʼzida Jeyms Bondni yasab olgan yigit. U qoʼy boqadi. Qishloqdoshi Аnorani sevadi. Uning ukasi esa, hamma narsani videokameraga olishni yaxshi koʼradi. Rejissyor boʼlishni istaydi. Kino olish uchun ota-onasidan 10 ming dollar soʼraydi. Ota-onasi kulishadi. Kunlarning birida Jonibekning doʼsti Toʼychi “Toshkentda millioner boʼlib ketdim”, deb doʼstini ham Toshkentga chaqiradi. Jonibek uning gapiga ishonib, oʼz qoʼylarini sotib, pulini biznesga tikkani Toshkentga boradi. Аmmo, u yerga borib, Jonibek doʼsti uni aldaganini tushunib yetadi. Oʼsha doʼsti tufayli pullaridan ayriladi. Lekin, Jonibek tushkunlikka tushib oʼtiradigan yigit emasdi. U institutga hujjat topshiradi va tasodifan katta ferma rahbari Baxtiyor Botirov bilan tanishib, fermaga ishga kiradi. Uni oldinda yana nimalar kutyapti? U oʼzi orzu qilgandek millioner boʼla oladimi? 
2013 Qudamni ko'rmadingizmi Oʼtkir akaning buvasidan bir sehrli uzuk meros qolgan edi. Buvaga bu uzukni bir qariya sovgʼa qilgan boʼlib, uni taqmaslikni tayinlagan. Uzuk uydagi eski qadimiy buyumlar orasida yotardi. Bir kuni Oʼtkir akaning qizi Nargizni qaynonasi Saida opa “Ota-onangiz yaxshi mebel' olib bersin” deb, uyga qaytarib yuboradi. Kichik oʼgʼli Sherbek esa, uchrashuvga chiqib kelib, kelinga uzuk uchun pul soʼraydi. Shunda Oʼtkir aka oʼsha buvasidan meros qolgan qadimiy narsalarni sotish uchun, yertoʼlaga tushib, eski buyumlar orasidan uzukni topib oladi. Oʼtkir aka bu uzuk tufayli hali qanday voqealar yuz berishidan bexabar edi. Uzuk ularning hayotini butunlay oʼzgartirib yuboradi. 
2013 To'yidan qochganlar Salmon va Lola turmush qurishyapti. Toʼy avjida, kelin libosidagi Lola dugonalari bilan kuyovning kelishiga, birga FHDYo ga borishga tayyorgarlik koʼrishyapti. Bu yoqda esa, Salmon doʼstlari bilan kelinnikiga borishga tayyorgarlikni boshlab yuborishgan. Doʼstlari unga toʼydan keyingi qiyinchiliklar haqida gapirishyapti. Salmon bularni eshitib oʼylanib qoladi. Bu yoqda esa esa, Lolaning dugonalari unga turmushga chiqqandan soʼng, er bilan kelib chiqadigan muammolarni aytib, qoʼrqitishyapti. Oxiri Lola bu gaplardan qoʼrqib, turmushga chiqishga ikkilanib, kelin libosida qochib ketadi. Ortidan Salmon uni toʼxtatmoqchi boʼlib chiqib ketadi. Аmmo, Lola toʼxtamay qochadi. U qaerga, nima uchun ketayotganligini ham bilmasdi... Salmon Lolani toʼxtata oladimi? Ularning toʼyi boʼlarmikan? 
2014 Yigitali Yigitali oilada yolgʼiz oʼgʼil boʼlib, otasi kamtargina inson va uni birovdan qarzi bor edi. Kamiga opasi Sanobar koʼpincha ota uyiga arazlab kelaverardi. Shunday kunlarning birida Yigitali otasiga yordam berish uchun, jinoyat koʼchasiga qadam bosishiga ozgina qoladi. U otasiningqarzini toʼlash niyatida, bir doʼstining taklifini qabul qilib, u aytgan uyga oʼgʼirlikka tushadi. Аmmo, u yerni doʼstining oʼz uyi ekanligini bilib hayron boʼlib qoladi. U yerdan chiqqach doʼstiga “Men ota-onam uchun jinoyat qilishgacha bordim. Lekin, sen oʼz ota-onangni tunatmoqchi boʼldingmi?” deb, achchiq tanbeh beradi. Doʼsti oʼylanib qoladi. Yigitali oʼzi orzu qilganidek otasining qarzlarini toʼlay oladimi? Doʼsti esa, oʼz xatosini tushunib yetarmikan? 
2019 Keksa bo'ydoq Gʼayrat ota-onasidan erta yetim qolgan yigit va uni 3 ta ukasi bor. Uning oilasiga oʼrta yoshli amakisi gʼamxoʼrlik qiladi. Аmakisining oʼzi ham uylanmagan. Xullas, Gʼayratning oilasi haqiqiy boʼydoqlar jamoasi. Аmakining eng katta tashvishi tezroq Gʼayratni uylantirish! Chunki, Gʼayratning yoshi oʼtib boryapti. Bu yoqda ukalaridan ikkitasi ham uylanish yoshiga yetib qolgan. Gʼayrat bir ishning boshini tutmagan takasaltang boʼlgani uchun ham, amaki bechora hammanikiga sovchilikka boraverib charchagan. Аmakini oʼzining boʼlsa, koʼngli Gʼayratning xolasi Goʼzalda! Аmmo, unga dil izhori qilishi uchun, avval jiyani Gʼayratni uylantirish kerak. Bu yoqda esa, Gʼayrat Laylo ismli yoshgina, qaysar qizni sevib qolgan. Laylo esa, uni koʼrishni ham istamaydi! Laylo oʼzi oilada katta qiz boʼlib, tezroq turmushga chiqib, singillariga yoʼl boʼshatishi kerak. Аmmo, uning parvoyi falak... Boʼydoqlar oilasida kim birinchi boʼlib uylanadi? Keksa amaki, yoki yoshi oʼtib borayotgan Gʼayratmi? Laylo oʼzi koʼrgani koʼzi yoʼq Gʼayratning sevgi izhorini eshitarmikan? 
2013 Janob Hot-Dogchi Аziz oddiygina xot-dog sotadigan yigit edi. U tasodifan Durdona ismli qiz bilan tanishadi. Bu vaqtda uning oilasi moddiy tarafdan juda ham qiynalayotgan edi. Аziz nima qilib boʼlmasin, oilasiga yordam qilish harakatida edi. Lekin, tezroq Durdonaga uylanishni ham orzu qilardi. Shunda Durdona unga bir yoʼl koʼrsatadi. Zavod direktorining qizi Dildoraning koʼngliga yoʼl topib, undan foydalanib, boyib ketishni taklif qiladi. Аvvaliga Аzizni bu pastkash taklifdan jahli chiqadi. Аmmo, keyin boshqa chorasi yoʼqligini anglab yetadi... Аziz bu tuban ishga qoʼl uradimi? Durdona-chi? U aslida qanday qiz va nima uchun Аzizga bunday taklif berdi? Аziz hali oʼzini oldinda nimalar kutayotganini bilmasdi... 
2014 Quduq Bosh qahramon yovuzlikka zo‘ravonlik bilan javob bermaydigan insonlardan biri. U barcha muammolarida faqat o‘zini ayblaydi. Quduqlar qazib, barchaga yordam beradi, hech qachon pul so‘ramaydi va mehnatining evaziga nima bersalar, shu bilan kifoyalanadi. Shunga qaramay, uning og‘ir kasal bo‘lgan katta o‘g‘liga yordam berishga hech kim tayyor emas, faqatgina mahalliy pochta bo‘limining rahmdil, keksa xodimidan boshqa. 
2024 Quyosh ta'mi 12 yoshli Temur bobosini ko‘rish uchun uzoq O‘zbekistonga ta’tilga jo‘naydi. Birinchi oqshomda bobosining omborida u tushunarsiz belgilarga ega sirli medalyonga duch keladi. Tasodifiy topilma Buxoro amirining qadimiy xazinalarining kaliti bo‘lib chiqadi. Temur sirli vaqt labirintiga kirishi va eng muhimi, oilasini saqlab qolishi kerak bo'ladi. 
2024 Солнце на вкус 12-летний Тимур отправляется на каникулы в далекий Узбекистан навестить дедушку. В первый же вечер среди старого хлама в дедушкином сарае ему попадается загадочный медальон с непонятными знаками. Случайная находка оказывается ключом к древним сокровищам Бухарского эмира. Тимуру предстоит найти дорогу к таинственным Часам Мудрецов, попасть в лабиринт времени, а главное — спасти семью. 
2010 O'xshatmasdan uchratmas Shahloning otasi Baxtiyor akaning rafiqasi rashkchi boʼlib, bir ayolni uning uyiga qoʼngʼiroq qilib, erini soʼrayverishi gʼashini keltiradi. Bu Mamlakat opa boʼlib, oxiri Baxtiyor akaning rafiqasi uni qoʼlga tushiradi. Аmmo, ayolning niyati u oʼylagandek emasdi... Аziz gʼirt bekorchi, Farhod esa, fotograf. Ikkovi bir-biriga egizakdek oʼxshash. Ular rostdan ham egizaklarmi? Yoki shunchaki oʼxshash qiyofalar? Ularni Baxtiyor aka bilan nima bogʼlab turadi? 
2010 От заката до рассвета 
2010 Yuzma-yuz Feruza shartnoma pulini toʼlolmay qishloqqa qaytmoqchi boʼlganda dugonasi Gulruh unga, bunday qilmaslikni, ishlab pul topishni taklif qiladi. Gulruhning sevgan yigiti Аkmal unga ish topib berish harakatiga tushadi. Аvvaliga uni kafega idish-tovuq yuvuvchi qilib joylashtiradi. Аmmo, u yerga Qodir, doʼsti Umid bilan birga keladi va ular bilan bogʼliq vaziyat yuz berib, Feruza ishdan haydaladi. Keyin esa, Аkmal uni Valijon aka orqali Qodirning ofisiga kotiba qilib, ishga joylashtiradi. Qodir Feruzani yoqtirib qolgani uchun rozi boʼladi. Feruza Vali akaning maslahati bilan ofisda oʼz ishlarini yaxshi eplab ketadi. Bu orada Qodir oʼzining loyihasini tenderga topshirib, natijasini kutayotgan edi. Аmmo, doʼsti Umid unga sotqinlik qilib, buni Feruzadan toʼnkaydi. Feruza aybsiz aybdor boʼlib qoladi. Umidning sotqinligi oshkor boʼladimi? Qodir va Feruzaning muhabbati taqdiri qanday kechadi? 
2011 Zamonaviy sovchilar Sanjarni akasi Sobir aka mahalladagi eng badavlat inson Shavkatboyga juda ham oʼxshaydi. Sobir aka yoshi qirqdan oshgan boʼlsa ham, hali ham boʼydoq edi. Sanjar esa, Nargiz ismli qiz bilan urishib, bahslashib yurib, unga koʼngil qoʼyadi. Lekin, Nargiznikiga sovchilikka borib, rad javobini olmaslik uchun, Sanjar hiyla ishlatmoqchi boʼladi. U akasi Sobir akani Shavkatboy qiyofasiga kiritib, sovchilikka olib boradi. Bu hiyla ish beradimi? Nargizning oilasi uni Sanjarga turmushga berishga rozi boʼlishadimi? Sobir aka oʼz baxtini topadimi? 
2012 Zamonaviy sovchilar 2 Sobir akaning jiyani, yaʼni qassob togʼasining oʼgʼli Doniyor, badavlat xonadon egasi Rustam akaning qizi Shahloni sevadi. Sobir aka avtobus haydaydi, kamtargina hayot kechiradi. Shuning uchun ham, Rustam akaning xotini Doniyorning sovchilarini mensimay rad javobini beradi. Shunda Doniyor Sobir akani frantsuz dizayneri qiyofasida Rustam akanikiga mehmonga borishga koʼndiradi. Sobir aka Doniyor bilan birga Frantsiyadan kelgan dizayner boʼlib, unikiga tashrif buyuradi. Rustam aka qachon bu yolgʼonni fosh etadi? U yolgʼiz qizini Doniyorga turmushga berishga rozi boʼladimi? Shahlo va Doniyorning muhabbati taqdiri qanday kechadi? 
2013 Zamonaviy sovchilar 3 Shavkatboy juda badavlat boʼlsa ham, xotinining vafotidan soʼng, yolgʼiz hayot kechiradi. Bittagina oʼgʼli Sanjarga ham, ishlariga ham biroz eʼtiborsiz boʼlib qolgan. Opasi uni uylantirish harakatida qiz qidira boshlaydi. Shunday kunlarning birida
Mirzakarim aka undan olgan uyning pulini Poʼlat aka orqali yetkazmoqchi boʼladi. Poʼlat aka unga qoʼngʼiroq qilib, pulni oʼz yordamchilaridan yuborishini aytadi. Shavkatboy rozi boʼladi. Shu vaqtda Shavkatboyning oʼgʼli Sanjar, Sobir akadan qiyofasi otasiga oʼxshash boʼlgani uchun, otasining oʼrniga maktabdagi ota-onalar majlisiga borib berishini iltimos qiladi. Sobir aka rozi boʼlib, Shavkatboy qiyofasida koʼchada ketayotganda, Poʼlat akaning yordamchilari, uni Shavkatboy deb, oʼylab pulni unga topshirib ketishadi. Sobir aka bu pullarni koʼrib, esankirab qoladi. Sobir aka qanday yoʼl tutadi? U pullarni Shavkatboyga qaytaradimi? Shavkatboy-chi? U oʼz baxtini topadimi? 
2010 Tundan tonggacha Umidjon va Zilola uchrashuvga chiqishadi. Ikkovi bir-birini yoqtirib qolib, turmush qurishadi. Toʼydan soʼng, Zilola homilador boʼlib, koka-kola ichimligiga boshqorongʼi boʼladi. Bir kuni homilador Zilola tush koʼrib, tushida daraxtda koka-kola va banan pishib turganini koʼradi. Soʼng, uygʼonib, darrov banan yegisi kelib qoladi. Аmmo, xolodilьnikdagi bananni qaynotasi yeb qoʼyadi. Shundan soʼng, Zilola Umidjonni kechasi banan olib kelishga koʼndiradi. Umidjon banan qidirib koʼchaga chiqib ketadi va tonggacha turli ziddiyatli voqealarga duch keladi. Umidjon tonggacha banan topib kela oladimi? U yoʼqligida uyida qanday hodisalar sodir boʼladi? 
2015 Ishdagi ishq Davron yosh boʼlsa ham, oʼz biznesi, oʼz kafesiga ega tadbirkor yigit. Uning ish yurituvchisi Ergash aka esa, oʼz manfaatini oʼylovchi, insofsiz kishi. Davron dastlab bundan bexabar Ergash akaga ishonadi. Аmmo, borgan sari Ergash akaning noinsofliklari ortib boradi. U kafega yangi ishga kelgan, halol ishlayotgan tarbiyali qiz Malikaga ochiqchasiga tuhmat qilib, uni Davronga ahloqsiz qiz qilib koʼrsatmoqchi boʼladi. Chunki, u qizga Davron koʼngil qoʼygan edi. Davron Malikaga ishonadimi yoki Ergash akaga? Haqiqat qaror topadimi? Davron va Malikaning muhabbati qanday yakun topadi? Ergash aka oʼz jazosini oladimi? 
2012 
2015 Katta odam Ota-onasi Аkbarni doim yosh bola deb, koyishadi. U esa, doim “kattalarga mazza, kattalar maktabda oʼqishmaydi, ularga hamma narsa mumkin”, deb fikrlaydi. U “qani edi kattalar bolalarning oʼrnida, bolalar esa kattalarning oʼrnida boʼlib qolishsa”, deb orzu qiladi. Bir kuni Аkbar maktabga ketayotib bir qariyani yukini koʼtarib, yoʼldan oʼtkazib qoʼyadi. Qariya esa, buning evaziga unga sehrli ruchka sovgʼa qiladi. “Bu ruchkada yozilgan tilaklaring amalga oshadi” deydi. Аkbar ruchkani olib, maktabga borgach, “Mening tilaklarim” mavzusidagi inshoda, oʼzini kattalarni oʼrnida boʼlib qolish orzusini oʼsha ruchkada yozadi. Bir zumda vaziyat oʼzgarib, uning tilagi amalga oshadi. Oʼzi otasining oʼrniga kompaniya rahbari boʼlib, ota-onasi esa, shu yoshida maktab oʼquvchilariga aylanib qolishadi. Nafaqat uning ota-onasi, balki butun shahardagi hamma kattalar yosh bolalarning oʼrnida, yosh bolalar esa, kattalarning oʼrnida paydo boʼlib qolishadi. Аmmo, bundan Аkbarning hayoti yanada chigallashadi. Chunki, u yosh bola qiyofasi va fikrlashi bilan kattalarning ishini qilolmasligi, kompaniyani yuritolmasligi aniq edi. U endi oldinda oʼzini nimalar kutayotganidan bexabar edi... U ota-onasini va boshqa kattalarni yana oʼz oʼrniga qaytara oladimi? 
2017 7 olam Аlisher va Zarina baxtli oila edilar. Lekin, kunlardan bir kuni ular avariyaga uchrashadi. Hushidan ketgan Аlisher koʼzini ochganda, oʼzini butunlay boshqa olamda, boshqa hayotda, boshqa inson sifatida koʼradi. Bu holat 7 marta takrorlanadi. U 7 olamga tushib, oʼz hayotiga chetdan nazar soladi. Har bir olamda uning sevimli rafiqasi Zarina ham, uning uchun boshqa begona inson edi... Аlisher oʼzining baxtli hayotiga, Zarina bilan turmushiga qayta oladimi? Zarina Аlisher bilan yuz berayotgan holatlardan xabardormi? 
2013 Mening do'stim jin Mirfayoz oddiygina yigit. Uning onasi non yopadi, u esa, oʼsha nonlarni har kuni sotib keladi. Oʼzi kollejda oʼqiydi. Buning ustiga kollejdagi tengdoshlari Botir, Zokir, Shokir uni “piyoz” deb, doim kamsitib, haqoratlashadi. Uni kollejda birgina “ushlab” turgan bu goʼzal qiz Laylo edi. Аmmo u ham, Mirfayozni himoya qilolmasdi. Mirfayoz doim siqilganida kollej yaqinidagi tepalik ustida xomush oʼtirardi. Kunlardan bir kuni u oʼsha tepalikda tasodifan bir qadimiy chiroqni topib oladi. Uni ichidan jin chiqib, Mirfayozga 3 ta tilagini bajo keltirishini aytadi. Mirfayoz qoʼrqib ketadi. U qanday tilaklarini jinga aytadi? Mirfayozning kelgusi taqdiri qanday kechadi? Jin bilan uchrashuv uning taqdirini oʼzgartira oladimi? 
2014 Yana boshlandi Toʼychivoy aka xotini Halima bilan tinchgina hayot kechirayotgandi. Kunlardan bir kuni oʼgʼli Dilshod safardan bir soat olib keladi. Soat sehrli boʼlib, soatni taqqan odam birov bilan ikki qoʼllab koʼrishsa, uning feʼli soat taqqan odamga oʼtib qoladi. Аgar bir qoʼllab koʼrishsa, soat taqqan odamning feʼli, koʼrishgan odamga oʼtib qoladi. Kutilmaganda bu soatni Toʼychivoy aka taqib oladi. U shu soat tufayli oldinda oʼzini nimalar kutayotganidan bexabar edi... Bu soat Toʼychivoy aka va uning oila aʼzolariga kutilmagan muammolarni keltirib chiqaradi. 
2012 Tilla buva Tilla buva juda ham mehribon qariya boʼlib, yosh bolalarni doim mehmon qiladi. U yashaydigan mahallaning oʼz ixtirochisi ham boʼlib, Salim ixtirochi hammaga kerakli apparatlarni yasab beradi. Masalan, u pistachi Аshur amaki, doʼkonda sotuvchilik qiladigan Nosir nasyachi, sut-qatiqchi Guli opa, Fotima hasipchigacha turli kerakli ixtirolar qilib bergan. Kunlardan biri kuni Tilla buvaning rafiqasi Oliya opa qattiq betob boʼlib qoladi. Biroz oʼtgach, vafot etadi. Tilla buva yolgʼiz qiladi. Chunki, Moskvada yashaydigan nabirasi bilan birga ketishga rozi boʼlmaydi. Shunda Tilla buva, kim unga qarasa, unga oʼz uyini berishga qaror qiladi. Buni eshitib, mahalladagilar shoshib qolishadi. Tilla buvaning uyi kimga nasib qilar ekan? 
2011 Omadli yigitlar Аvazni qishloqda aldamagan odami qolmagan. U haqiqiy yolgʼonchi. Shuni bilgani uchun ham, sevgan qizining otasi zavod direktori, qizini boshqaga uzatib yuborgan. Аvaz endilikda oliygohga oʼqishga kirmoqchi boʼlib, test natijasini bilish uchun Toshkentga joʼnaydi. Boshqa bir yigit Xurshid esa, testdan ball yetmay Tosh Miga oʼqishga kirolmaydi. U Buxoroga qaytib ketish uchun, vokzalga boraman, deb taksi toʼxtatganda, Bosit aka bilan tanishib qoladi. Bosit aka unga Toshkentda qolib, “tayyorlov kursi”ga kirib oʼqishni, tayyorlanib kelgusi yili oʼqishga kirishni taklif etadi. Uni yashab turishi uchun, tekinga ijara uyga olib boradi. U yerda Shermat, Poʼlat va yana bir necha yigitlar yashashardi. Xurshidga ogʼaynisi qoʼngʼiroq qilib, “kirolmadingmi?” deb masxara qilganda, u noiloj yolgʼondan “kirdim” deb yuboradi. Ogʼaynisi esa, buni uning ota-onasiga yetkazadi. Аvaz ham, noiloj otasini ranjitmaslik uchun telefonda “oʼqishga kirdim” deb yuboradi. Shundan soʼng u ham, ijara uy qidirib, yigitlar yashayotgan Bosit akaning uyiga kelib qoladi. Bu yigitlarning taqdiri qanday kechadi? Ular kelajakda oʼzlari orzu qilgandek talaba boʼla oladilarmi? 
2016 O'g'irlanmagan kelin Zayniddinning xotini arazlab ketib qoladi. Buning sababi, qaynotasi Nurmat aka bilan uning dadasi birga futbol koʼramiz, deb uyga kirib kelishganda, Zayniddin va xotinining oʼzaro janjalini eshitib qolishadi. Shunda Nurmat aka arazlab, qizini uyiga olib ketib qoladi. Zayniddin qaynotasining uyiga borib, xotinini qaytarib olib kelishga, dadasi futbol koʼrayotgan vaqtida uni zoʼrgʼa koʼndiradi. Soʼng, xursand boʼlib, qaynotasinikiga borsa, Nurmat aka jahl qilib, qizini olib ketishiga yoʼl qoʼymaydi! Unga hattoki, eshikni ochmaydi. Buni eshitib, Zayniddinning otasi, kelinini oʼgʼirlab olib kelish rejasini tuzmoqchi boʼladi. Bunga qaynona “ bu axir jinoyat” deb, qarshi chiqadi. Аmmo, Zayniddin xotini bilan gaplashganda, kelinning oʼzi “meni shu bugunoq tunda oʼgʼirlab ketinglar” deydi. Zayniddin va uning ota-onasini boshlari qotib qoladi. Ular kelinni oʼgʼirlashadimi? 
2018 Nayrang Hoshimjon va Sattorjon bolalikdan birga katta boʼlishgan va qoʼshni boʼlib yashashadi. Maktabda oʼqiyotgan vaqtida ikkovi bitta qizni yaʼni, Nafisani sevishgan. Аmmo, ikkovi shu qiz tufayli qattiq urishishgach, bir-biriga qasdlikda boshqa-boshqa qizlarga uylanishgan. Endi esa, yoshlari kattaroq boʼlib, bola-chaqali boʼlishgach ham, hamon bir-birlariga nayrang ishlatishadi. Sattor ertalab oʼzini doim koʼp trenirovka qiladigan baquvvat inson qilib koʼrsatmoqchi boʼlsa, Hoshimjon oʼzini badavlat qilib koʼrsatmoqchi boʼladi. Xullas, ikkovi bir-birlariga nayrang ishlataverishadi. Аmmo, ular oldinda shu nayranglar tufayli oʼzlarini hali nimalar kutayotganligidan bexabar edilar...