Джавлон Шадманов - все фильмы, фото, биография

2012 Payshanbadan payshanbagacha Maktabni bitirganiga 30 yil boʼlgan 4 ta ogʼayni Ilhom, Hasan, Qosim va Mahmudov domla koʼrishib, yana yigʼilishga kelishishadi. Ulardan biri Mahmudov domla tasodifan kutubxonadan bir kitob topib oladi. Uni ogʼaynilari bilan keyingi “oʼtirish”ga koʼtarib olib keladi. Kitobda bir xavfli oʼyin haqida soʼz boradi. Ogʼaynilar oʼzlari istamasalar ham, kitobni ochganlari uchun, oʼyin boshlanib ketadi. Oʼyin har hafta bir marta, faqat payshanba kuni oʼynalishi mumkin edi. Birinchi boʼlib oʼyin oʼynagan Mahmudov domlaning oʼzi, qiz bolaga aylanib qoladi. Ogʼaynilar qoʼrqib ketishadi. Qolganlarning taqdiri qanday kechadi? Ogʼaynilarni bu xavfli oʼyinda yana nimalar kutyapti? Смотреть

2015 Payshanbadan payshanbagacha 2 Hasan akaning qudasi Sharif aka hazilkash inson boʼlib, doim uning ustidan kulib yuradi. Hasan akaning ogʼaynilari uni yoqtirishmaydi. Аyniqsa, Ilhom aka uni yomon koʼradi. Shuning uchun ham, ataylab, bundan oldin oʼzlari xavfli oʼyin oʼynashlariga sababchi boʼlgan xavfli kitobni topib kelib, Sharif akaga sovgʼa qiladi. Hasan aka kitobni ochishga yoʼl qoʼymaslikka urinadi. Аmmo, Sharif aka qiziquvchanlik qilib, kitobni ochib koʼradi. Shunda kitob “administoratori” paydo boʼlib, ularni oʼyinga tortadi. Xavfli oʼyin boshlanib ketadi. Oʼsha zahoti kitobni topib kelgan Ilhom akaning ovozi chiyillab qoladi. Oʼyinni kunda faqat bir marta oʼynash mumkin edi. Ogʼaynilarni va Sharif akani oldindan bundan ham qaltis holatlar kutardi... Смотреть

2013 Qudamni ko'rmadingizmi Oʼtkir akaning buvasidan bir sehrli uzuk meros qolgan edi. Buvaga bu uzukni bir qariya sovgʼa qilgan boʼlib, uni taqmaslikni tayinlagan. Uzuk uydagi eski qadimiy buyumlar orasida yotardi. Bir kuni Oʼtkir akaning qizi Nargizni qaynonasi Saida opa “Ota-onangiz yaxshi mebel' olib bersin” deb, uyga qaytarib yuboradi. Kichik oʼgʼli Sherbek esa, uchrashuvga chiqib kelib, kelinga uzuk uchun pul soʼraydi. Shunda Oʼtkir aka oʼsha buvasidan meros qolgan qadimiy narsalarni sotish uchun, yertoʼlaga tushib, eski buyumlar orasidan uzukni topib oladi. Oʼtkir aka bu uzuk tufayli hali qanday voqealar yuz berishidan bexabar edi. Uzuk ularning hayotini butunlay oʼzgartirib yuboradi. Смотреть

2011 Zamonaviy sovchilar Sanjarni akasi Sobir aka mahalladagi eng badavlat inson Shavkatboyga juda ham oʼxshaydi. Sobir aka yoshi qirqdan oshgan boʼlsa ham, hali ham boʼydoq edi. Sanjar esa, Nargiz ismli qiz bilan urishib, bahslashib yurib, unga koʼngil qoʼyadi. Lekin, Nargiznikiga sovchilikka borib, rad javobini olmaslik uchun, Sanjar hiyla ishlatmoqchi boʼladi. U akasi Sobir akani Shavkatboy qiyofasiga kiritib, sovchilikka olib boradi. Bu hiyla ish beradimi? Nargizning oilasi uni Sanjarga turmushga berishga rozi boʼlishadimi? Sobir aka oʼz baxtini topadimi? Смотреть

2013 Zamonaviy sovchilar 3 Shavkatboy juda badavlat boʼlsa ham, xotinining vafotidan soʼng, yolgʼiz hayot kechiradi. Bittagina oʼgʼli Sanjarga ham, ishlariga ham biroz eʼtiborsiz boʼlib qolgan. Opasi uni uylantirish harakatida qiz qidira boshlaydi. Shunday kunlarning birida Mirzakarim aka undan olgan uyning pulini Poʼlat aka orqali yetkazmoqchi boʼladi. Poʼlat aka unga qoʼngʼiroq qilib, pulni oʼz yordamchilaridan yuborishini aytadi. Shavkatboy rozi boʼladi. Shu vaqtda Shavkatboyning oʼgʼli Sanjar, Sobir akadan qiyofasi otasiga oʼxshash boʼlgani uchun, otasining oʼrniga maktabdagi ota-onalar majlisiga borib berishini iltimos qiladi. Sobir aka rozi boʼlib, Shavkatboy qiyofasida koʼchada ketayotganda, Poʼlat akaning yordamchilari, uni Shavkatboy deb, oʼylab pulni unga topshirib ketishadi. Sobir aka bu pullarni koʼrib, esankirab qoladi. Sobir aka qanday yoʼl tutadi? U pullarni Shavkatboyga qaytaradimi? Shavkatboy-chi? U oʼz baxtini topadimi? Смотреть

2008 Nortoy Nortoy oʼz doʼstlari bilan pul evaziga har qanday ishni qila oladigan yigit. Unga “Lupa” va “Qiltiriq” laqabli yigitlar halaqit berib, nuqul tirikchilik manbaini qirqmoqchi boʼlishadi. Nortoy koʼplab sarguzashtlarga duch keladi. Kunlardan bir kuni u juda badavlat odamning qizini sevib qoladi. Bu oila uni kuyov sifatida qabul qilarmikan? Nortoyning taqdiri qanday kechadi? Смотреть

2010 Kichkina xo'jayin Korxona rahbari Olim aka safarga ketish oldidan xorijga ketgan oʼgʼli Rustamni korxonaga boshliq qilib tayinlab ketadi. U Jalil akaga oʼgʼli Rustamga yordam berishni tayinlaydi. Аmmo, Jalil aka Rustamni koʼrmagan edi. Rustam otasining mashinasida ishga kelayotib, bir vaziyat sabab, mashinani doʼsti Jamshidga topshiradi. Jamshid mashinani haydab korxonaga kelganda, Jalil aka uni boshliqning oʼgʼli Rustam deb, oʼylaydi. Piyoda ishga kelgan Rustamni esa, ishchi deb, oʼylab, unga qoʼpol muomala qiladi. Korxonadagi haqiqiy ahvolni bilib olgisi kelgan Rustam, vaqtincha, haqiqatni oshkor qilmay, ishchi boʼlib ishlashda davom etadi. Jalil aka hali bu ishlarning oqibatidan bexabar edi... Смотреть

2014 Yana boshlandi Toʼychivoy aka xotini Halima bilan tinchgina hayot kechirayotgandi. Kunlardan bir kuni oʼgʼli Dilshod safardan bir soat olib keladi. Soat sehrli boʼlib, soatni taqqan odam birov bilan ikki qoʼllab koʼrishsa, uning feʼli soat taqqan odamga oʼtib qoladi. Аgar bir qoʼllab koʼrishsa, soat taqqan odamning feʼli, koʼrishgan odamga oʼtib qoladi. Kutilmaganda bu soatni Toʼychivoy aka taqib oladi. U shu soat tufayli oldinda oʼzini nimalar kutayotganidan bexabar edi... Bu soat Toʼychivoy aka va uning oila aʼzolariga kutilmagan muammolarni keltirib chiqaradi. Смотреть

2010 Shaddod qiz Laylo taksidagi vaziyat sabab ishga kech qoladi, soʼng, boshligʼi Rustam Komilovichning kechki ovqatga taklifini rad etib, ishdan haydaladi. Keyin koʼchadagi firibgarning gapiga uchib, uni uyiga boradi. Soʼng, uni zoʼravonligi uchun Ichki ishlar xodimini chaqiradi. Аmmo, firibgar uni jinniga chiqarib, oqibatda Laylo kasalxonaga tushib qoladi. Bularning hammasi bir kunda sodir boʼladi. Аmmo, kun hali oʼz nihoyasiga yetmagan. Oldinda Layloni yana nimalar kutyapti? Смотреть

2016 O'g'irlanmagan kelin Zayniddinning xotini arazlab ketib qoladi. Buning sababi, qaynotasi Nurmat aka bilan uning dadasi birga futbol koʼramiz, deb uyga kirib kelishganda, Zayniddin va xotinining oʼzaro janjalini eshitib qolishadi. Shunda Nurmat aka arazlab, qizini uyiga olib ketib qoladi. Zayniddin qaynotasining uyiga borib, xotinini qaytarib olib kelishga, dadasi futbol koʼrayotgan vaqtida uni zoʼrgʼa koʼndiradi. Soʼng, xursand boʼlib, qaynotasinikiga borsa, Nurmat aka jahl qilib, qizini olib ketishiga yoʼl qoʼymaydi! Unga hattoki, eshikni ochmaydi. Buni eshitib, Zayniddinning otasi, kelinini oʼgʼirlab olib kelish rejasini tuzmoqchi boʼladi. Bunga qaynona “ bu axir jinoyat” deb, qarshi chiqadi. Аmmo, Zayniddin xotini bilan gaplashganda, kelinning oʼzi “meni shu bugunoq tunda oʼgʼirlab ketinglar” deydi. Zayniddin va uning ota-onasini boshlari qotib qoladi. Ular kelinni oʼgʼirlashadimi? Смотреть

2013 Achchiq hayot Behzod aka chegaraga tutash boʼlgan hududdagi qishloqda, oʼz kasbini vijdonan bajarib kelayotgan harbiy. Kutilmaganda qishloqda xonadonlardan mollar yoʼqola boshlaydi. Bu orada qishloq kotibasi Halima opaning ukasi Gʼofur aka opasinikiga mehmonga keladi. Behzod aka negadir undan shubhalanadi. Аmmo, unda dalil yoʼq edi. Halima opa hammani “ukam xorijda ishlab kelgan” deb, ishontirgan boʼlsa ham, aslida Gʼofur aka uzoq muddat ozodlikdan mahrum etilgan shaxs edi. U qishloqqa kelgach, u yerda qamoqda oʼzi bilan birga muddat oʼtagan tanishi Jonibek bilan til biriktirib bir mudhish reja tuzgan edi... Gʼofur aka qishloqda bu rejasini amalga oshira oladimi? Behzod aka-chi? U Ichki ishlar xodimlari bilan Gʼofur akani jinoyat ustida qoʼlga tushira olarmikan? Смотреть